Валюта курслари:

ЎзРВБда очилиш аукциони курси:

1 USD = UZS ()


Бозорлар ва савдолар

Бугунги кунда ЎзРВБ бозори қуйидаги асосий сегментлар билан ифодаланган.

Биржа валюта бозорида чет эл валютасини сотиш ва сотиб олиш операциялари ўтказиб келинади. Бугунги кунда, ЎзРВБ валюта бозорида USD/UZS, EUR/UZS, RUB/UZS ва CNY/UZS валюта жуфтликлари бўйича валютавий спот операциялари амалга оширилади.

Пул бозорида бир кундан бир йилгача бўлган муддатга маблағларни жойлаштириш/жалб қилиш бўйича банклараро депозит операциялари, тижорат банкларининг пул маблағларини жалб қилиш бўйича Марказий банкнинг депозит ауксионлари ташкил этилади, шунингдек РЕПО битимлари тузилиб, валютавий своп операциялари ўтказилади.

ЎзРВБ фонд бозорида давлат қимматли қоғозлари (ДҚҚ) – Иқтисод ва молия вазирлигининг облигациялари ва мажбуриятлари, шунингдек Марказий банк облигациялари бўйича савдолар ташкил этилади. 

Деривативлар бозорида валютавий фючерс шартномалари бўйича савдолар ўтказилиб икки томонлама узлуксиз аукцион (метчинг) усули билан амалга оширилади.