Хизматлар турлари

Ўзбекистон республика валюта биржаси томонидан кўрсатиладиган хизматлар рўйхати

 

  1. Cавдоларнинг қуйидаги турларини ташкил этиш ва ўтказиш:

чет эл валютаси олди-сотдиси бўйича банклараро биржа савдолари;

давлат қимматли қоғозлари бўйича аукционлар ва иккиламчи савдолар;

Ўзбекистон Республикаси Марказий банкининг тижорат банклари билан депозит ва кредит аукционлари;

пул маблағларини жойлаштириш ва жалб этиш бўйича банклараро савдолар;

ҳосилавий молия инструментлари (деривативлар) бўйича биржа савдолари.

  1. Давлат қимматли қоғозларни сақлаш ва уларга бўлган ҳуқуқлар ҳисобини юритиш.
  2. Чет эл валютаси ва сўмдаги биржа битимлари, шунингдек давлат қимматли қоғозлари билан битимлар бўйича клиринг ва ҳисоб-китобларни амалга ошириш.
  3. Биржа бозори кўрсаткичларини шакллантириш ва доимий равишда биржанинг расмий веб-сайтига жойлаштириш.
  4. Тузилган битимларни расмийлаштириш учун шартномалар ва ҳужжатларнинг намунавий шаклларини биржа савдо қоидаларига мувофиқ ишлаб чиқиш.
  5. Савдо қатнашчиларини биржа савдолари якунлари тўғрисидаги тегишли ахборот билан таъминлаш.
  6. Биржа савдолари иштирокчиларига зарур бўлган маслаҳат ва бошқа турдаги хизматларни кўрсатиш.

 I. Биржа савдоларини ташкиллаштириш бўйича хизматлар:

  1. Дилерларга бевосита савдо залидан ёки трейдерларнинг иш жойидаги узоқлаштирилган савдо терминаллари орқали биржа сегментлари бўйича операцияларни амалга оширишлари учун шарт-шароитлар яратиш.
  2. Дастурий таъминот ва автоматлаштирилган мажмуаларни ишлаб чиқиш ва жорий этиш ҳамда уларнинг техник созлигини таъминлаш.
  3. Мунтазам равишда маслаҳатлашувлар ўтказиш ва ўқув-семинарларини ташкил этиш орқали трейдерларнинг касбий малакасини юқори савияда бўлишини таъминлаш учун шарт-шароитлар яратиш.

 II. Давлат қимматли қоғозлари (ДҚҚ)га бўлган ҳуқуқлар ҳисобини юритиш ва уларни сақлаш бўйича хизматлар:

  1. Савдо тизимида ҳар бир Дилер ва унинг Инвесторлари учун алоҳида “депо” ҳисобварақларни очиш ва юритиш.
  2. ДҚҚнинг алоҳида ҳар бир чиқарилиши бўйича Дилерларнинг “депо” ҳисобварақларини юритиш.
  3. Бирламчи ёки иккиламчи савдолар натижалари бўйича ДҚҚни Дилер ва Инвесторларнинг “депо” ҳисобварақларига ўтказиш.  
  4. Савдо тизимида тузилган битим натижаларига кўра “депо” ҳисобварақлари бўйича ўтказмаларни амалга ошириш.
  5. Савдо тизимида тузилган битим натижаларига кўра Дилерларга “депо” ҳисобварақларидан кўчирмаларни тақдим этиш.
  6. Дилернинг “депо” топшириқномасига биноан Инвестор олди-сотди битимини амалга оширмасдан ДҚҚ ўтказмаларини амалга ошириш.
  7. Гаров шартномалари бўйича ДҚҚни блокировка қилиш ва блокировкадан чиқариш.
  8. Тақдим этилган “депо” топшириқномаси асосида ДҚҚни Дилер ва Инвесторлар “депо” ҳисобварағларининг “РЕПО битимлари бўйича блокировка қилинган” бўлимига ўтказиш.
  9. РЕПО битимлари натижалари асосида ДҚҚни харидор ҳисобланган Дилернинг “депо” ҳисобварағи “РЕПО битимлари бўйича блокировка қилинган” бўлимига ўтказиш.
  10. Амалга оширилган операциялар бўйича Дилер ёки Инвестор “депо” ҳисобварақларининг ҳолати тўғрисида тегишли кўчирмаларни тақдим этиш.

 

III. Биржа савдоларида ҳисоб-китоб-клиринг операцияларини амалга ошириш бўйича хизматлар:

  1. Турли биржа сегментлари бўйича Дилерларга миллий ва хорижий валютада алоҳида шахсий-ҳисобрақамларини очиш.
  2. Барча биржа сегментлари бўйича Дилерларнинг савдо тизимида рўйхатга олинган молия инструментлари олди-сотдиси битимларининг ҳисобини юритиш.
  3. Биржа савдолари натижаларига кўра Дилерларнинг сўм ва чет эл валютасидаги нетто-позициялари бўйича клиринг ва ҳисоб-китобларни амалга ошириш.
  4. Дилерларнинг шахсий-ҳисобрақамларидан кўчирмаларни тақдим этиш.