Валюта курслари:
ЎзРВБда очилиш аукциони курси:
1 USD = UZS ()
18.08.2023
ЎзРВБ делегациясининг Лондон шаҳрига ташрифи якунлари сарҳисоб қилинди
Бош директор Рашид Усманов бошчилигидаги “Ўзбекистон республика валюта биржаси” АЖ делегацияси Лондонга (Буюк Британия) ташрифини якунлади.
Лондонда ЎзРВБ раҳбари Bloomberg ва Refinitiv ахборот агентликлари, Лондон фонд биржаси, Vermax Ltd. каби компаниялар билан учрашувлар ўтказди.
Bloomberg билан учрашувда ЎзРВБ маркет-даталарини улашиш, IT соҳасида тажриба алмашиш масалалари муҳокама қилинди.
ЎзРВБ ва Bloomberg ўртасида дунё молиявий ҳамжамиятга ЎзРВБ маркет-даталарини узатиш бўйича стратегик келишув имзоланди.
ЎзРВБ ва Лондон фонд биржаси ўртасидаги учрашувда янги биржа инструментларини жорий этиш соҳасида тажриба алмашиш, хорижий институционал инвесторларни ЎзРВБ бозорларига жалб этиш масалалари муҳокама қилинди.
Учрашувда тажриба алмашиш, истиқболда ЎзРВБ платформаси орқали Лондон фонд биржасида листинг қилинадиган қимматли қоғозлар савдосини ташкил этиш юзасидан музокаралар олиб борилди.
ЎзРВБ делегацияси Бош офиси Лондон шаҳридаги Refinitiv компанияси вакиллари билан учрашув ўтказди.
Учрашувда истиқболдаги режалар, биржа технологияларини ривожлантириш ва ESG тамойилларини қўллашда тажриба алмашиш бўйича келишувга эришилди.
Vermax Ltd. компанияси билан савдо-клиринг, депозитарий ва кастодиан хизматларини кўрсатиш самарали инфратузилмасини яратиш юзасидан муҳокамалар ўтказилди.





