Валюта курслари:

ЎзРВБда очилиш аукциони курси:

1 USD = UZS ()


18.08.2023

Clearstream саммити: Ўзбекистон молия бозори ривожланишининг янги йўналишлари

“Ўзбекистон республика валюта биржаси" АЖ (ЎзРВБ) Бош директори Рашид Усманов София шаҳрида (Болгария) бўлиб ўтган Марказий ва Шарқий Европа мамлакатлари, шунингдек МДҲ мамлакатлари учун Clearstream Banking S.A. (Clearstream) компаниясининг 17-саммитида иштирок этди.

Саммитнинг асосий мавзуларидан бири – молия секторини рақамлаштириш ва маълумотларни қайта ишлаш бўйича ечимларни, хусусан, пост-трейдинг соҳада жорий этиш масаласи бўлди.

Ушбу нуфузли анжуманга таклиф этилган хорижий экспертлар Clearstream компаниясининг қимматли қоғозлар бозоридаги ечимлари, ликвидлик ва кредитлар таъминоти масалалари, инвестиция фондларини ва депозитар фаолиятни ривожлантириш масалаларини муҳокама қилди.

Учрашувлар давомида халқаро қимматли қоғозлар бозорларида ҳисоб-китоблар инфратузилмасини ташкил қилиш, мазкур бозорда инвесторларга хизмат кўрсатиш ва ҳисоб-китобларнинг илғор механизмларидан фойдаланиш масалалари юзасидан фикр алмашилди.

ЎзРВБнинг Clearstream саммитида иштирок этиши Clearstream ва ЎзРВБ ўртасида ҳамкорлик алоқаларни ўрнатиш, компаниянинг хорижий инвесторлар номидан ЎзРВБ бозорларидаги иштироки юзасидан ҳамкорликни янада ривожлантириш, халқаро ўзаро ҳисоб-китобларнинг самарали тизимини ташкил қилиш ва бу борада зарур шарт-шароитларни яратишда муҳим қадам бўлди.

Clearstream пост-трейдинг хизматларнинг глобал провайдери ҳисобланиб, ўз фаолияти доирасида депозитар, ҳисоб-китоб, шунингдек қимматли қоғозларни глобал молиялаштириш бўйича хизматларни кўрсатиб келади.

Поделиться новостью

Контакты пресс-центра

Копировать весь текст