Валюта курслари:

ЎзРВБда очилиш аукциони курси:

1 USD = UZS ()


18.08.2023

“Ўзбекистон Республикасининг капитал бозори” III-халқаро конференцияси бўлиб ўтди

Тошкент шаҳрида Ўзбекистон Республикаси капитал бозори фаолиятига бағишланган III- халқаро конференция бўлиб ўтди. Тадбирда иштирок этиш учун маҳаллий регуляторлар, тижорат банклари, инвестиция компаниялари, ишлаб чиқариш корхоналари, шунингдек, халқаро молия институтлари, рейтинг агентликлари ва инфратузилма компаниялари вакиллари таклиф этилди.

Форумда Ўзбекистон республика валюта биржаси (ЎзРВБ)нинг вакиллари иштирок этиб, ЎзРВБ Бош директори Рашид Усманов “Ўзбекистон молия бозори: инфратузилма ва тартибга солиш” мавзуси муҳокамасида маъруза билан қатнашди.

Маъруза давомида ЎзРВБ раҳбари ташкилот фаолияти ҳақида қисқача маълумот бериб, сўнгги йилларда эришилган ютуқлар, жумладан, ЎзРВБ инфратузилмасини такомиллаштириш ва биржа маҳсулотлари турларини кенгайтириш бўйича амалга оширилган ишлар ҳақида гапириб, ЎзРВБни ривожлантириш бўйича ўрта ва узоқ муддатли истиқболлари тўғрисида тўхталиб ўтди.

Ўзбекистон молия бозори инфратузилмаси ривожланишига бағишланган муҳокама якунида ЎзРВБ раҳбари конференция иштирокчилари томонидан ЎзРВБ ва республика валюта бозори фаолиятига оид берилган саволларга атрофлича жавоб берди.

Шу билан бирга, ЎзРВБ ва бир қатор хорижий молия институтлари ҳамда инвестиция компаниялари вакиллари ўзаро манфаатли ҳамкорликни йўлга қўйиш, шунингдек, Ўзбекистон Республикаси молия бозорини янада такомиллаштириш юзасидан фикр алмашдилар.

Поделиться новостью

Контакты пресс-центра

Копировать весь текст