Валюта курслари:

ЎзРВБда очилиш аукциони курси:

1 USD = UZS ()


18.08.2023

"Mosaic Financial Ltd." (АҚШ) инвестиция компанияси вакиллари билан учрашув бўлиб ўтди

2022 йил 11 март куни Ўзбекистон республикаси валюта биржасида "Mosaic Financial Ltd." инвестиция компаниясининг директори Роберт Женсен бошчилигидаги делегация билан учрашув бўлиб ўтди.

Учрашувда "Mosaic Financial Ltd." компаниясининг инвестициялар бўлими раҳбари жаноб Натал Белл ҳамда операцион бўлим бошлиғи Шерзод Бадалбаев ҳам иштирок этди.

"Mosaic Financial Ltd." раҳбари компаниянинг фаолияти ҳақида қисқача тўхталиб, компания 1983 йилда АҚШнинг Юта штатида ташкил топганлиги тўғрисида ҳамда компания халқаро молия бозорларида брокерлик хизматларини кўрсатиш, ривожланаётган мамлакатлар иқтисодиётига инвестицияларни жалб қилиш, шунингдек, финтехнологияларни жорий этиш билан шуғулланишини маълум қилди.

Музокаралар давомида "Mosaic Financial Ltd." делегацияси ЎзРВБга "Euroclear" халқаро депозитарий клиринг маркази ва АҚШ молия-инвестиция гуруҳлари билан алоқаларни ўрнатишда, Ўзбекистон резидентларининг хорижий қимматли қоғозлар ва халқаро капитал бозорларининг бошқа инновацион маҳсулотларидан фойдаланишида кўмаклашиши мумкинлигини билдирди. Шу билан бирга, делегация вакиллари Ўзбекистон Республикаси давлат қимматли қоғозлари бозорига қизиқиши борлигини билдирди.

Томонлар ўзаро манфаатли ҳамкорлик, жумладан, технологик платформаларни ишлаб чиқиш ва ривожлантириш соҳасида ўзаро тажриба алмашиш ва "Mosaic Financial Ltd." компаниясининг ЎзРВБ бозорларидаги иштирок этиш имкониятлари бўйича масалаларни муҳокама қилдилар.

Учрашув якунида, томонлар келгуси учрашувларда ўзаро ҳамкорлик масалаларини муҳокама қилишни давом эттиришга келишиб олдилар.

Поделиться новостью

Контакты пресс-центра

Копировать весь текст