Валюта курслари:

ЎзРВБда очилиш аукциони курси:

1 USD = UZS ()


18.08.2023

“Москва биржаси” гуруҳи вакиллари билан учрашувлар бўлиб ўтди

Ўзаро хамкорликни янада ривожлантириш, узоқ муддатли хамкорлик истиқболларини белгилаш мақсадида “Москва биржаси” гуруҳи вакилларининг Ўзбекистон республика валюта биржаси (ЎзРВБ)га ташрифи бўлиб ўтди.

“Москва биржаси” гуруҳи Россиянинг йирик биржа холдинги ҳисобланиб, унинг таркибига, жумладан, акция ва облигациялар, ҳосилавий инструментлар, валюталар, пул бозори инструментлари ва товарлар билан савдолар учун мўлжалланган ягона кўп функцияли биржа майдончасини бошқарадиган “Москва биржаси” АЖ киради.

Шу билан бирга, “Москва биржаси” гуруҳи ўз таркибида Марказий депозитарий (“Миллий ҳисоб-китоб депозитарийси” АЖ) ҳамда биржа бозорларида марказий контрагент вазифасини бажарувчи Клиринг маркази (“Миллий клиринг маркази” АЖ)ни ҳам қамраб олган.

ЎзРВБ ва унинг илк ва яқин ҳамкорларидан бири ҳисобланган “Москва биржаси” гуруҳи ўртасидаги ўзаро манфаатли ҳамкорлик 2019 йили ташкилотлар ўртасида тузилган Ўзаро хамкорлик Меморандуми доирасида амалга ошириб келинмоқда.

Учрашув давомида ЎзРВБ Бош директори Р. Усмонов ЎзРВБнинг бугунги  фаолияти тўғрисида қисқача тўхталиб, “маркет-мейкерлар” институтини барча биржа сегментларида жорий этиш ҳамда ЎзРВБ қошида Марказий контрагентни яратиш, фьючерс бозорини шакллантириш каби ЎзРВБ ривожланиш стратегиясининг истиқболли режалари билан ўртоқлашди.

Ўз навбатида, “Москва биржаси” гуруҳи вакиллари ўз ташкилотлари фаолияти тўғрисида батафсил сўзлаб бердилар ва ЎзРВБ томонидан сўнгги йилларда эришилган ютуқларга ва бугунги кундаги фаолиятига юқори баҳо бердилар.

Бўлиб ўтган музокаралар давомида яна бир қатор долзарб масалалар, жумладан,  ЎзРВБни янада технологик ривожлантириш, оптимал тариф сиёсатини юритиш, депозитар тизимни такомиллаштириш масалалари ҳам кенг ёритилди.

Учрашувда якунида томонлар ўзаро манфаатли ҳамкорликни янада ривожлантириш бўйича чора-тадбирлар амалга оширилишини давом эттиришга келишиб олдилар.

Поделиться новостью

Контакты пресс-центра

Копировать весь текст