Валюта курслари:

ЎзРВБда очилиш аукциони курси:

1 USD = UZS ()


18.08.2023

ЎзРВБ Тошкент шаҳрида бўлиб ўтган II халқаро молия-банк форумида иштирок этди

2021 йил 26 ноябр куни Тошкент шаҳрида МДҲ Ижроия қўмитаси ва Ўзбекистон Республикаси Вазирлар Маҳкамаси кўмагида МДҲ Молия-банк кенгаши томонидан ташкил этилган МДҲга аъзо давлатларнинг II халқаро молия-банк форуми бўлиб ўтди.

Форум давомида хорижий марказий ва тижорат банклари, биржалар раҳбарлари, республиканинг вазирлик ва идоралари, банк бирлашмалари ва ассоциациялари вакиллари, шунингдек, МДҲ, Жануби-Шарқий Осиё ва Европа Иттифоқи давлатларининг инновацион ва инвестиция компаниялари раҳбарлари иштирок этди.

Мазкур нуфузли тадбирнинг панел муҳокамасида Ўзбекистон биржа бозорини ривожлантиришнинг бугунги ҳолати ва замонавий тенденциялари ҳақида маъруза қилиб, Ўзбекистон Республикаси валюта биржаси (ЎзРВБ) Бош директори Рашид Усмонов сўзга чиқди.

ЎзРВБ раҳбари Форум иштирокчиларини 2021-2023 йилларга мўлжалланган Ўзбекистон Республикаси капитал бозорини ривожлантириш дастурининг мақсадларига эришиш учун ЎзРВБнинг узоқ муддатли ривожланиш стратегияси доирасидаги истиқболли вазифалари ва режалари билан таништирди.

Форумда иштирок этган ЎзРВБ мутахассислари томонидан панел муҳокамалари ўртасидаги танаффуслар давомида халқаро молия институтлари, хорижий биржалар, маҳаллий ва хорижий фонд бозорларининг брокерлик корпуси вакиллари билан ўзаро манфаатли ҳамкорлик ҳамда биржа фаолияти ва капитал бозорини ривожлантириш соҳасида стратегик шериклик ўрнатиш масалалари бўйича музокаралар ўтказилди.

Поделиться новостью

Контакты пресс-центра

Копировать весь текст