Валюта курслари:

ЎзРВБда очилиш аукциони курси:

1 USD = UZS ()


03.07.2023

Давлат қимматли қоғозлари бозорида биринчи маркет-мейкерлар ўз фаолиятини бошлади

“Ўзбекистон республика валюта биржаси” АЖ (ЎзРВБ)нинг тегишли қарорига мувофиқ давлат қимматли қоғозлари (ДҚҚ) бозорида иккиламчи олди-сотди ва РEПО операциялари бўйича маркет-мейкер мақоми бирламчи дилерлар – “ASIA ALLIANCE BANK” АТБ, “Ўзсаноатқурилишбанк” АТБ, “Ипак йўли” АИТБ ва “Туронбанк” АТБга берилди.

Мазкур тижорат банклари маркет-мейкер функцияларини жорий йилнинг 1 февралидан бажаришни бошлади.

Тасдиқланган Дастурга мувофиқ, маркет-мейкерлар сотиш ва сотиб олиш бўйича котировкаларни шакллантириш орқали ДҚҚ иккиламчи бозори ликвидлигини таъминлаш мажбуриятини оладилар.

Дастур MM-GB STANDARD, MM-GB MEDIUM и MM-GB PREMIUM мақомларни ўз ичига қамраб олган. Бунда, танланган мақом қанчалик юқори бўлса, маркет-мейкер икки томонлама котировкалар ва спрэднинг тор коридори (мос равишда 0,3%, 0,28% ва 0,26%) эълон қилинадиган ва сақлаб туриладиган пассив битимлар ҳажми ва ДҚҚ чиқаришларининг минимал сони бўйича кўпроқ мажбуриятни ўз зиммасига олади.

Маълумот учун. Пассив битим - бу маркет-мейкернинг биржа битими бўлиб, бунда битим бўйича маркет-мейкернинг буюртмаси савдо тизимига контрагентнинг буюртмасидан аввалроқ киритилган бўлади.

Спрэд - маркет-мейкер томонидан бир вақтнинг ўзида биржа инструментини сотиш ва сотиб олиш бўйича таклиф этилган буюртмалар нархлари ўртасидаги фарқ (ушбу чеклов бозор ликвидлигини тартибга солиш, шунингдек битим томонлари бўлган харидор учун биржа активини имкон қадар арзонроқ сотиб олиш ва сотувчи учун ушбу активни қимматроқ сотишга имкон беради).

Шунингдек, Дастурда белгиланган талаблар бажарилишидан келиб чиқиб ЎзРВБ томонидан маркет-мейкерга икки турдаги мукофот тўлаш кўзда тутилган. Биринчиси – маркет-мейкер ва унинг контрагенти томонидан ЎзРВБга тўланган воситачилик мукофоти суммасидан ҳисобланган тўлов, иккинчиси – қатъий белгиланган мукофот (ҳисобот ойида етарли ҳажмда пассив битимлар тузилган ҳолда тўлаб берилади).

Аввал хабар қилинганидек, ЎзРВБ валюта бозорида 2021 йил 4 октябрдан бошлаб бозор тамойилларига мувофиқ маркет-мейкер фаолияти жорий қилинган.

Бугунги кунда USD/UZS_TOM инструменти бўйича ЎзРВБ валюта бозорида маркет-мейкер фаолияти “Капиталбанк” АТБ ва “Ипак йўли” АИТБ томонидан амалга ошириб келинмоқда.

Поделиться новостью

Контакты пресс-центра

Копировать весь текст