Валюта курслари:

ЎзРВБда очилиш аукциони курси:

1 USD = UZS ()


14.05.2023

Республикада илк бор валютавий фьючерс шартномалари билан савдолар йўлга қўйилди

2022 йил 3 октябрь куни Ўзбекистон республика валюта биржаси (ЎзРВБ) мутахассислари томонидан илғор хорижий тажриба асосида халқаро стандартларга мувофиқ ишлаб чиқилган замонавий савдо платформасида валютавий фьючерс шартномалари бўйича савдолар йўлга қўйилди.

Дастлабки босқичда, ЎзРВБ савдо платформасида бир, икки ва уч ойлик ҳисоб-китобли фьючерслар, яъни битим тузилган кундаги спот курси ва битимнинг охирги кундаги курси ўртасидаги фарқ тўлаб берилиши белгиланган шартномалар савдоси жорий этилди. Фьючерс шартномалари билан савдолар иккитомонлама узлуксиз (метчинг) усулида амалга оширилиши белгиланган. 

Валютавий фьючерс шартномаларини сотиб олиш ёки сотиш учун шартнома суммасининг 5 фоизи миқдорини тўлаш кифоя. Ваҳоланки, фьючерс шартномаси томони кичик миқдордаги тўлов эвазига шартнома тўлиқ суммасига ҳисобланган фойдага эга бўлиши мумкин.

Таъкидлаш жоизки, валютавий фьючерслар савдолари жорий этилиши нафақат валюта курсининг ўзгарувчанлиги билан боғлиқ ташқи ва ички хатарларни юмшатишга, балки янги ҳосилавий инструментлар жорий этилиши учун ҳам имконият яратади.

Валютавий фьючерсларни жорий этишдан аввал 2021 йил давомида ЎзРВБ валюта бозорида маркет-мейкерлар институти, Марказий контрагент фаолияти жорий этилган бўлиб, шу билан бирга, ЎзРВБ савдо платформасида тузилган битимлар бўйича мажбуриятларнинг бажарилишини таъминлаш мақсадида Кафолат жамғармаси ташкил этилди.

2022 йил 3 октябр куни Ўзбекистон Республикаси Марказий банкида бўлиб ўтган тақдимот давомида валютавий фьючерс шартномалари билан савдоларнинг йўлга қўйилиши, ЎзРВБнинг фьючерс платформаси афзалликлари тўғрисида сўз юритилган бўлиб, тадбир доирасида ЎзРВБ савдо платформасида фьючерс шартномалари билан тест савдоларини амалга ошириш бўйича танлов ғолибларига ЎзРВБ томонидан махсус сертификатлар ва қимматбаҳо совғалар ҳам тақдим этилди.

Поделиться новостью

Контакты пресс-центра

Копировать весь текст