Валюта курслари:
ЎзРВБда очилиш аукциони курси:
1 USD = UZS ()
11.05.2023
“Ўзбекистон республика валюта биржаси” АЖда ISO 9001:2015 халқаро стандарти бўйича иккинчи назорат аудити муваффақиятли ўтказилди
Иккинчи назорат аудити натижаларига кўра “Ўзбекистон республика валюта биржаси” АЖ (ЎзРВБ) сифат менежменти тизими (СМТ) ISO 9001:2015 халқаро стандарти талабларига мувофиқлиги тасдиқланди.
СМТни баҳолаган “CERT International” МЧЖ (SNAS) аудиторлари уни тўлиқ самарали эканлигини, шунингдек ЎзРВБда уни тўғри юритиш ва янада ривожлантириш учун барча шароитлар яратилганлигини таъкидладилар.
Аудиторлар ҳулосасида, ЎзРВБ СМТ жорий талабларни бажаришга ва кутилган натижаларга эришишни таъминлашга қодирлиги, ички аудит жараёни эса стандарт талабларига тўлиқ жавоб бериши тўғрисида алоҳида айтиб ўтилди.
Бундан ташқари, назорат аудити томонидан ЎзРВБ фаолиятидаги ижобий жиҳатлар қаторида қуйидагилар алоҳида кўрсатиб ўтилди:
- менежмент тизими масалаларида ташкилот раҳбариятининг етакчилиги;
- асосий ходимларнинг билим ва тажрибага асосланган юқори малакага эгалиги;
- ташкилотнинг ривожланган инфратузилмаси;
- аудит давомида ташкилотдаги очиқ ва конструктив муҳит;
- аҳил ва профессионал жамоа.
Таъкидлаш жоизки, яқин истиқболда ЎзРВБда бошқа ISO халқаро стандартларини жорий этиш ва сертификатлаш бўйича тадбирлар ҳам режалаштирилган.





