Валюта курслари:

ЎзРВБда очилиш аукциони курси:

1 USD = UZS ()


10.05.2023

Ўзбекистон республика валюта биржаси савдоларида илк бор инфляцияга боғланган давлат қимматли қоғозлари муваффақиятли жойлаштирилди

2022 йил 19 июл куни Ўзбекистон республика валюта биржаси (ЎзРВБ) савдоларида Ўзбекистон Республикаси Молия вазирлиги томонидан муомала даври 2 йил бўлган, чиқарилиш ҳажми 200 млрд.сўмлик инфляцияга боғланган давлат қимматли қоғозлари муваффақиятли жойлаштирилди.

Савдолар давомида иштирокчилар томонидан умумий қиймати 180,8 млрд. сўмлик 191 минг дона облигацияни сотиб олиш учун буюртмалар келиб тушди. Аукцион натижаларига кўра, 106,30 млрд.сўм миқдоридаги 111 минг дона облигация жойлаштирилган бўлиб, қимматли қоғозлар бўйича купон даромадининг ўртача тортилган фоиз ставкаси йиллик 19,2436% ни ташкил этди.

ЎзРВБ биржа маҳсулотлари қаторида савдо иштирокчиларига таклиф этилаётган ушбу инвестиция воситаси инфляция билан боғлиқ йўқотишларга қарши кафолат инструменти ҳисобланиб, инфляция хатарларини хеджлашга имкон беради.

Бунда, мазкур облигацияларнинг асосий афзаллиги бўлиб, улар бўйича купон даромади фоиз ставкаси Ўзбекистон Республикаси Давлат статистика қўмитаси томонидан ҳисоблаб чиқилган истеъмол нархлари индексига мувофиқ индексланиши ҳисобланади.

Поделиться новостью

Контакты пресс-центра

Копировать весь текст