Валюта курслари:
ЎзРВБда очилиш аукциони курси:
1 USD = UZS ()
01.05.2023
Ўзбекистон республика валюта биржаси савдоларида илк маротаба муомала даври 10 йил бўлган давлат қимматли қоғозлари жойлаштирилди
2022 йил 25 январ куни Ўзбекистон республика валюта биржаси савдоларида Ўзбекистон Республикаси Молия вазирлиги томонидан 174,5 млрд.сўмлик 5 йиллик давлат қимматли қоғозлари, шунингдек, муомала даври 10 йил бўлган давлат қимматли қоғозлари 10 млрд.сўм ҳажмида жойлаштирилди. Мазкур қимматли қоғозлар бўйича купон даромадининг ўртача фоиз ставкаси мос равишда йиллик 14,5 ва 15% ни ташкил этди.
Таъкидлаш жоизки, ўрта ва узоқ муддатли давлат қимматли қоғозлари чиқарилиши Ўзбекистон Республикаси Президентининг 2021 йил 13 апрелдаги “Капитал бозорини янада ривожлантириш чора-тадбирлари тўғрисида”ги ПФ-6207-сонли Фармони билан тасдиқланган 2021-2022 йилларда капитал бозорини ривожлантириш дастурини амалга ошириш мақсадида ўтказилиб, молиявий инструментларни диверсификация қилиш ва капитал бозори иштирокчилари таркибини янада кенгайтириш учун асос яратади.





