Валюта курслари:

ЎзРВБда очилиш аукциони курси:

1 USD = UZS ()


18.05.2023

ЎзРВБ бирламчи савдоларида илк бор хорижий инвестор томонидан давлат қимматли қоғозларини сотиб олиш бўйича битимлар тузилди

2022 йил 1 ноябрь куни илк бор Ўзбекистон республика валюта биржаси (ЎзРВБ) аукцион савдоларида хорижий инвестор бўлмиш Европа тикланиш ва тараққиёт банки томонидан “Асака банк” АЖ дилерлигида давлат қимматли қоғозларини (ДҚҚ) сотиб олиш бўйича битимлар тузилди.

Бугунги кунда, ДҚҚ бозори фаол савдо фазасида бўлиб, унда чиқаришлар ҳажмлари ўсиши ҳамда иккиламчи бозор фаоллашиши кузатилмоқда ва бу ҳолат, ўз навбатида, маҳаллий ва хорижий инвесторларда қизиқиш уйғотиб, уларнинг эътиборини ўзига жалб этмоқда.

Таъкидлаш жоизки, ЎзРВБ ушбу бозорда барча хизматлар мажмуасини, жумладан қимматли қоғозларни жойлаштириш ва муомалага чиқариш бўйича савдоларни ташкил этиш, ҳисоб-китоб, клиринг ва депозитарий хизматларини тақдим этади, бозор иштирокчиларига РEПО операциялари кўринишидаги қўшимча савдо стратегияларини ҳам яратади.

2021 йил якунларига кўра ДҚҚ бозоридаги савдолар умумий ҳажми 30,85 трлн.сўмни, 2022 йилнинг 9 ойи якунлари бўйича эса 67,10 трлн. сўмни ташкил этди.

Бундан аввал, ЎзРВБ савдо платформасида илк бор инфляция даражасига боғланган ДҚҚ жойлаштирилганлиги тўғрисида хабар берилган эди.

Поделиться новостью

Контакты пресс-центра

Копировать весь текст