Валюта курслари:
ЎзРВБда очилиш аукциони курси:
1 USD = UZS ()
01.07.2023
ЎзРВБ валюта фьючерслари бозорида маркет-мейкерлар фаолияти ташкил этилди
2022 йил 1 декабрдан бошлаб “Капиталбанк” АТБ ва “Ипак Йўли” АИКБ USD/UZS_MG инструменти бўйича валюта фючерслари бозорида маркет-мейкер мақомига эга бўлдилар.
Таъкидлаш жоизки, ЎзРВБ валюта бозорида маркет-мейкерлик фаолияти 2021 йил 4 октябрда бозор тамойилларига мувофиқ жорий қилинган бўлиб, маркет-мейкерлар мажбуриятлари ва уларни мукофотлаш тартибини белгиловчи тегишли маркет-мейкерлик дастурлари ҳам тасдиқланган.

Маркет-мейкерлар мажбуриятлари қаторига бозорда кунлик узлуксиз ликвидликни таъминлаш, савдолар давомида маълум миқдордаги фьючерс шартномаларини сотиб олиш ва сотиш бўйича икки томонлама котировкаларнинг минимал белгиланган умумий миқдорини сақлаш киради ва бу бозор “кўламини” (market depth) оширишга хизмат қилади. Шу билан бирга, маркет-мейкерлар фаолияти битимлар ҳажми ва кўлами ошишига, валюта курси асосида бозор индикаторлари шаклланишида тижорат банкларининг янада фаоллашишига кўмаклашади.
Аввалроқ, 2022 йил 3 октябрда ЎзРВБнинг "Rhombus derivatives" халқаро стандартларга мувофиқ ишлаб чиқилган in-house савдо платформасида валюта фьючерс шартномалари бўйича савдолар бошланганлиги ва 2022 йил 1 ноябрда ушбу янги инструмент бўйича илк битимлар тузилганлиги эълон қилинган эди.





