Валюта курслари:

ЎзРВБда очилиш аукциони курси:

1 USD = UZS ()


16.05.2023

ЎзРВБда ликвидлик провайдери фаолияти йўлга қўйилди

Ўзбекистон республика валюта биржасида (ЎзРВБ) валютавий фьючерслар билан олди-сотди операциялари, шу билан бирга, дефолт-менежменти тизими жорий этилиши муносабати билан Марказий контрагент фаолияти билан чамбарчас боғлиқ бўлган ликвидлик провайдерлари фаолияти ҳам йўлга қўйилди. Бунинг оқибатида, рискни бошқариш механизмлар кўлами кенгайтирилди.

Бу тўғрисида 2022 йил 3 октябр куни Ўзбекистон Республикаси Марказий банкида бўлиб ўтган тақдимот доирасида батафсил сўз юритилди.

Таъкидлаш жоизки, ликвидлик провайдерлари фаолиятини йўлга қўйишдан аввал, ЎзРВБ валюта бозорида маркет-мейкерлар институти, Марказий контрагент фаолияти муваффақиятли жорий этилиб, ЎзРВБда тузилган битимлар бўйича мажбуриятларнинг бажарилишини таъминлаш мақсадида Кафолат жамғармаси ташкил этилди.

Бугунги кунда, ЎзРВБ Марказий контрагент фаолиятини юритган ҳолда валюта бозори савдо қатнашчиларининг пул маблағлари (миллий ва хорижий валюталарда) бўйича мажбуриятларини бажара олмаслиги оқибатида юзага келиши мумкин бўлган рискларни ўз зиммасига олади.

Шу билан бирга, Марказий контрагент барча харидорлар учун сотувчи ва барча сотувчилар учун харидор вазифасини бажаради. Ликвидлик провайдери (тижорат банки) эса валюта олди-сотди операциялари бўйича дефолт ҳолати юзага келганда битим тарафи сифатида қатнашиши ва ЎзРВБ билан миллий ва хорижий валюта олди-сотдиси бўйича битим тузиш мажбуриятини олади.

Юқорида қайд этилган тақдимот доирасида, ЎзРВБ ва провайдер-банклар ўртасида тантанали равишда ликвидликни тақдим этиш бўйича шартномалар имзоланди. Бу, ўз навбатида, валюта бозоридаги дефолт менежменти тизимини сифат жиҳатидан янги даражага олиб чиқиш учун биринчи қадам ҳисобланади.

Поделиться новостью

Контакты пресс-центра

Копировать весь текст