Валюта курслари:

ЎзРВБда очилиш аукциони курси:

1 USD = UZS ()


28.11.2025

Янги ёндашувлар ва ечимлар: ЎзРВБнинг Марказий банк эксперт майдончасидаги позицияси

Ўзбекистон Республикаси Марказий банкида инфляцион таргетлаш режими доирасида сузувчи валюта курсининг аҳамияти мавзусига бағишланган халқаро экспертлар иштирокида давра суҳбати бўлиб ўтди. Марказий банк томонидан ташкил этилган мазкур тадбир валюта бозоридаги асосий тенденцияларни муҳокама қилиш учун муҳим майдон вазифасини ўтади.

Муҳокамада Марказий банк вакиллари, халқаро молия ташкилотлари ва етакчи мутахассислар иштирок этиб, валюта бозори ва умуман молия тизимининг барқарорлиги ҳамда шаффофлигини таъминлашга оид замонавий ёндашувлар юзасидан фикр алмашдилар.

Ўзбекистон республика валюта биржаси Бош директори давра суҳбатида иштирок этиб, сўнгги йилларда биржа валюта бозори муҳим ўзгаришларни бошдан кечирганини таъкидлади. Пул маблағларини олдиндан депонентлаш талаби бекор қилиниши, валюта деривативлари савдоси ривожланиши ҳамда маркет-мейкерлар институти шаклланиши бозорнинг ликвидлигини сезиларли даражада ошириб, унга катта мослашувчанлик ва чуқурлик бағишлади.

ЎзРВБ раҳбари замонавий молия бозори инфратузилмасининг энг муҳим элементи ҳисобланган марказий контрагентни ташкил этиш масаласига алоҳида эътибор қаратиб, Марказий контрагентнинг жорий этилиши шунчаки техник ислоҳот эмаслигини, балки бозорни ривожлантиришнинг самарали босқичи эканлигини таъкидлади. Марказий контрагент марказлашган тарзда рискларни бошқаришни таъминлаган ҳолда, ҳисоб-китобларнинг самардорлигини ва бозорни ташқи зарбаларга нисбатан бардошлигини оширади. Бундай моделнинг самарали ишлаши нафақат ишончли технологик платформани, балки барча иштирокчилардан рискларни бошқариш маданиятини талаб этади.
Тадбир давомида марказий контрагентни ишга тушириш натижасида деривативлар бозорининг янада ривожланиши, банклар ва компаниялар учун рискларни камайтириш имкониятларининг кенгайиши ҳамда халқаро инвесторларнинг қизиқиши ортиши учун замин яратилганлиги таъкидланди.  Замонавий клиринг инфратузилмасининг яратилиши бозорга бўлган ишончни мустаҳкамлаб, янада чуқур ҳамда ликвидли молия бозорнинг шаклланишига ҳисса қўшади.

Мазкур халқаро анжуман соҳа мутахассисларининг профессионал қарашлари билан алмашиши ва молиявий ислоҳотларнинг асосий йўналишларини муҳокама қилиш учун муҳим майдонга айланди ҳамда Ўзбекистон валюта бозорининг янада замонавий, технологик ва самарали модел томон ҳаракатланаётганини тасдиқлади. Изчил ислоҳотлар, инновацион инструментларни жорий этиш ва инфратузилмани ривожлантириш янги, очиқ, барқарор ва истиқболли ривожланишга интилган тизимни барпо этиш учун пойдевор яратмоқда.

Поделиться новостью

Контакты пресс-центра

Копировать весь текст