Валюта курслари:

ЎзРВБда очилиш аукциони курси:

1 USD = UZS ()


29.12.2025

Ўзбекистон Республикаси Марказий банки ва ЎзРВБ томонидан ёш китобхонлар учун маърифий тадбир ўтказилди

Республика болалар кутубхонасида Ўзбекистон Республикаси Марказий банки Ўзбекистон республика валюта биржаси (ЎзРВБ) билан ҳамкорликда болалар учун маърифий-кўнгилочар тадбир ўтказди.
Тадбир 50 нафарга яқин болани бирлаштирди ва ўқиш, ўйин ҳамда ижодий фаолият элементларини ўз ичига олган интерактив шаклда ўтказилди. Учрашувнинг асосий мақсади болаларда китоб ўқишга қизиқиш уйғотиш ва молиявий саводхонликнинг асосий тамойилларини тушунарли ҳамда қизиқарли усулда шакллантириш эди.

Учрашув давомида иштирокчилар турли ўйинларда қатнашиб, мунозараларда фаол ва ўзаро ҳамкорликда иштирок этдилар. Тадбирнинг энг муҳим қисмларидан бири "Сеҳрли биржа ҳақидаги эртак" номли китоб-бўёқ тақдимоти бўлди. Ушбу тақдимот чоғида болалар эртак қаҳрамонлари ва ундаги воқеалар ривожи билан танишиб, ижодий муҳокамаларда қатнашдилар.

Тадбирнинг интерактив услубда ўтказилиши илиқ ва дўстона муҳитни яратиш имконини берди, бу эса болаларга нафақат янги билимларга эга бўлишлари, балки дунёқарашларини кенгайтириб, мулоқот кўникмалари ҳамда жамоада ишлаш маҳоратларини ривожлантиришга кўмаклашди.

Тадбир якунида ҳар бир болага уйларида ҳикоя давоми билан танишиш учун "Сеҳрли биржа ҳақидаги эртак" китобчаси совға қилинди. Шунингдек, энг фаол иштирокчиларга болалар учун мўлжалланган молиявий саводхонликка оид қизиқарли ўйин ҳам тақдим этилди.

Бу каби ташаббусларни келгусида ҳам давом эттириш режалаштирилган. Олдинда болаларни янги учрашувлар, тадбирлар ва таълим лойиҳалари кутмоқда.

Поделиться новостью

Контакты пресс-центра

Копировать весь текст