Валюта курслари:
ЎзРВБда очилиш аукциони курси:
1 USD = UZS ()
20.09.2024
ЎзРВБ Аёллар клуби: профессионал ўсиш учун янги ҳамжамият
Ўзбекистон республика валюта биржасида (ЎзРВБ) ташкилотда фаолият юритаётган аёлларни қўллаб-қувватлаш ва ривожлантиришга қаратилган янги ташаббус — “Аёллар клуби” ташкил этилди. Клубнинг асосий мақсадлари сифатида тажриба, билим ва касбий кўникмалар алмашиш учун майдон яратиш, шунингдек, аёллар ўртасида лидерлик хусусиятларини янада ривожлантиришга кўмаклашиш белгиланди.
ЎзРВБда Аёллар клубининг биринчи учрашуви бўлиб ўтди, унинг кириш қисмида молиявий соҳада аёлларни қўллаб-қувватлаш ва ривожлантириш учун ушбу клубни яратиш муҳимлигини таъкидлаб ўтилди.
Тадбир давомида иштирокчилар расмий муносабатларга киришишга йироқ бўлган ҳолда бир-бири билан яқиндан танишиш имкониятига эга бўлди. “Танишув” интерактив ўйини иштирокчиларда катта қизиқиш уйғотиб, уларнинг эркин муҳитда бир-бири билан танишиш, ҳамкасбларининг қизиқишлари ва фаолияти ҳақида кўпроқ билиб олиш имконини берди.
Учрашув доирасида Клубнинг кейинги фаолиятини амалга оширадиган ва мувофиқлаштирадиган Клуб координаторининг сайлови ўтказилди.
Тадбирнинг асосий қисмида “Ишбилармонлик, мулоқот маданияти ва нутқ одоби” мавзусида самарали мулоқот кўникмаларини ривожлантириш ҳақида маъруза бўлиб ўтди. Ушбу соҳа мутахассиси, ЎзРВБ бош бухгалтери, Австриянинг Ўзбекистондаги одоб мактаби филиали директори Кристина Прокудина ишбилармонлик муносабатларини самарали йўлга қўйиш, ҳамкорлар ва ҳамкасбларда ижобий таассурот қолдириш, шунингдек, корпоратив муносабатларда одоб-ахлоқ меъёрларига риоя қилиш муҳимлиги ҳақида қимматли билимлари билан ўртоқлашди.
Иштирокчилар маърузачи нутқини катта қизиқиш билан тинглаб, ўзларини қизиқтирган саволларга батафсил жавоб олди. Тажриба ва билим алмашиш ўзаро ҳурмат ва қўллаб-қувватлаш муҳитини яратди.
Учрашув якунида иштирокчилар профессионал ва шахсий мулоқот, шунингдек, янада ривожланиш учун фойдали майдон яратилгани учун ташкилотчиларга миннатдорчилик билдирди. “Аёллар клуби” доирасида мунтазам равишда иштирокчиларнинг касбий, маданий ва ижодий кўникмаларини кенгайтиришга қаратилган тадбирларни ўтказишга келишиб олинди. Аёлларни молия соҳасида қўллаб-қувватлашга қаратилган таълим ва жамоат ташаббусларида иштирок этишига алоҳида эътибор қаратилди.
ЎзРВБ “Аёллар клуби” хотин-қизларни қўллаб-қувватлаш ва рағбатлантиришнинг муҳим элементига айланишига, бу янада инклюзив ва динамик корпоратив маданиятни яратишга ҳисса қўшишига ишонади.





