Валюта курслари:

ЎзРВБда очилиш аукциони курси:

1 USD = UZS ()


17.05.2024

ЎзРВБ Бош директори Clearstream саммитида иштирок этди

Ўзбекистон республика валюта биржасининг Бош директори Рашид Усманов Венгриянинг Будапешт шаҳрида Clearstream компаниясининг Марказий ва Шарқий Европа мамлакатлари ҳамда МДҲ давлатлари учун мўлжалланган 18-нчи саммитида иштирок этди.

Тадбирда дунёнинг турли мамлакатларидан ташриф буюрган етакчи экспертлар ва молиявий ташкилотлар вакиллари иштирок этиб, пост-трейдинг соҳасидаги долзарб тенденциялар ва инновацияларни муҳокама қилдилар.

Саммит давомида молиявий бозорлар ривожланишида сунъий интеллектнинг ўрни, пост-трейдинг соҳасини рақамлаштириш, қимматли қоғозлар ва инвестиция фондлари соҳасидаги инновацион ечимлар, Марказий ва Шарқий Европада, шунингдек МДҲда кастодианлар учун имкониятлар яратилаётгани ва шу каби мавзулар муҳокама қилинди.

Саммит доирасидаги учрашувлар давомида ЎзРВБ раҳбари инновацион ечимларни жорий этиш ва биржа бозорларини тартибга солиш соҳасида биржа тажрибаси, ташкилот эришган ютуқлар ва унинг олдида турган вазифалар билан ўртоқлашди.

Саммит халқаро бозорнинг турли иштирокчилари ўртасида тажриба ва кўникмалар алмашинуви ва алоқаларни мустаҳкамлаш учун ўзига хос платформа бўлиб хизмат қилди ҳамда Ўзбекистон молия секторини янада ривожлантириш ва жаҳон молия бозорларига интеграциялашувида яна бир муҳим қадам бўлди.

Поделиться новостью

Контакты пресс-центра

Копировать весь текст