Валюта курслари:
ЎзРВБда очилиш аукциони курси:
1 USD = UZS ()
25.04.2024
ЎзРВБ ва Bank of Georgia: ўзаро манфаатли ҳамкорлик сари қадамлар
Ўзбекистон республика валюта биржаси (ЎзРВБ) Бош директори Рашид Усманов Bank of Georgia (Грузия) вакиллари билан учрашув ўтказди, унда иккала молия институтлари ўртасидаги ўзаро ҳамкорлик истиқболлари муҳокама қилинди.
Учрашув давомида Грузия Банки томонидан ЎзРВБнинг давлат қимматли қоғозлари бозорида дилер мақомини олиши ва ЎзРВБ депозитарий тизимида чет эл номинал сақловчилар ҳисобварақларини очиш тартиби масалалари муҳокама қилинди.
Чет эл номинал сақловчилар — бу қимматли қоғозларнинг эгаси бўлмаган, бошқа шахсларнинг манфаатларини кўзлаб фаолият юритадиган, қимматли қоғозларни ҳисобга олиш ва уларга бўлган ҳуқуқларни ўтказиш ҳуқуқига эга бўлган хорижий ташкилот.
Музокаралар чоғида ЎзРВБ раҳбари дилер бўлишнинг афзалликлари, уларнинг биржа инструментлари кенг доираси ва биржа хизматларидан ҳамда қулай савдо шартларидан фойдаланиш имкониятлари тўғрисида алоҳида гапириб ўтди.
Хорижий инвесторларнинг Ўзбекистон бозорига кириб келиши Ўзбекистон молия секторини янада ривожлантириш ва унинг инвестицион жозибадорлигини оширишнинг муҳим катализаторига айланиши мумкин.
Учрашув конструктив муҳитда ўтиб, томонлар режалаштирилган қўшма лойиҳаларни амалга ошириш бўйича кейинги қадамлар тўғрисида келишиб олди.





