Валюта курслари:

ЎзРВБда очилиш аукциони курси:

1 USD = UZS ()


16.09.2024

ЎзРВБ Ўзбекистон капитал бозори бўйича VI халқаро конференцияда иштирок этди

ЎзРВБ вакиллари Бош директори Рашид Усмонов бошчилигида “Ўзбекистон Республикаси Капитал бозори” VI халқаро конференциясида иштирок этди.

Тадбирда ЎзРВБ Бош директори “Ўзбекистон молия бозори: тартибга солиш” бўлимида тақдимот билан қатнашди. Ўз маърузасида у ЎзРВБ фаолияти тўғрисида қисқача тўхталиб, ЎзРВБ бозорларини тартибга солиш масалаларини батафсил ёритди ва сўнгги йилларда эришилган ютуқлар ҳақида сўзлаб берди. Шунингдек, конференция қатнашчиларига биржа инфратузилмасини такомиллаштириш, ЎзРВБда биржа инструментлари ва технологик маҳсулотлар турларини кенгайтириш бўйича амалга оширилаётган ишлар ҳамда ЎзРВБ истиқболли ривожланишининг асосий йўналишлари ҳақида маълумот берилди.

Ушбу анъанавий тадбир кўплаб долзарб масалалар, жумладан, мамлакат иқтисодиётини ривожлантиришда капитал бозорининг роли, бозорни тартибга солиш масалалари, маҳаллий ва халқаро инвесторлар учун яратилаётган имкониятлар, муқобил инвестиция инструментлари, ислом молиясини ривожлантириш ва бошқа шу каби кўплаб масалаларни муҳокама қилиш ва тажриба алмашиш учун муҳим платформага айланди.

Конференция доирасида ЎзРВБ вакиллари бир қатор хорижий молия муассасалари, инвестиция компаниялари ва жамғармалари вакиллари билан учрашувлар ўтказиб, биржа инфратузилмасини янада ривожлантириш, шунингдек, биржа бозорларига хорижий инвесторларни жалб қилиш мақсадида ўзаро манфаатли ҳамкорликни йўлга қўйиш юзасидан фикр алмашди.

Бу каби тадбирлар Ўзбекистон капитал бозорига эътиборни жалб қилишда, илғор тажриба алмашишда ва энг яхши амалиётларни қўллашда муҳим рол ўйнайди. Ушбу соҳани янада ривожлантириш, инвестиция муҳитини яхшилаш ва мамлакатимизнинг ҳам маҳаллий, ҳам хорижий инвесторлар учун жозибадорлигини оширишга замин яратади.

Анжуман иштирокчилари бўлиб ўтган муҳокамаларда билдирилган ғоя ва таклифлар Ўзбекистон капитал бозорини фаол ривожлантириш ва унинг халқаро майдондаги мавқеини оширишга асос бўлишига ишонч билдирдилар.

Поделиться новостью

Контакты пресс-центра

Копировать весь текст