Валюта курслари:
ЎзРВБда очилиш аукциони курси:
1 USD = UZS ()
04.03.2025
“Ўзсаноатқурилишбанк” ЎзРВБ валюта бозорининг маркет-мейкери мақомига эга бўлди
“Ўзсаноатқурилишбанк” АТБ Ўзбекистон республика валюта биржаси (ЎзРВБ) валюта бозорида USD/UZS_TOM инструменти бўйича маркет-мейкер мақомига эга бўлди. 
Ушбу мақом банкка биржа валюта бозорини ривожлантиришда фаол иштирок этишни ҳамда савдоларнинг барқарорлиги ва ликвидлигини таъминлаш мажбуриятини юклатади.
Маркет-мейкер — бу тегишли маркет-мейкер дастурига мувофиқ хорижий валютага нархлар, талаб ва таклиф даражасини сақлаб туриш учун биржа битимларини тузиш мажбуриятини олган савдо иштирокчиси.
Бу бозор учун нимани англатади?
Маркет-мейкернинг вазифаси — харид ва сотиш котировкаларини қўллаб-қувватлаш орқали ликвидликни таъминлаш ва шу орқали спред (харид ва сотиш нархлари ўртасидаги фарқ) ни камайтиришдир.
Курс тебранишларининг пасайиши — маркет-мейкер мақомига эга йирик банкларнинг иштироки туфайли валюта бозори янада барқарорлашади ва валюта курсининг кескин тебранишлари камаяди.
Иштирокчилар учун қулай шартлар — кўпроқ ликвидлик барча савдо иштирокчилари учун жозибадор спредлар ва янада шаффоф нарх белгиланишини англатади.
Маркет-мейкерлик институтини мустаҳкамлаш ЎзРВБнинг валюта бозорини ривожлантириш бўйича чора-тадбирларининг муҳим қисмидир. “Ўзсаноатқурилишбанк” АТБнинг маркет-мейкерлар қаторига қўшилиши бизнес учун ҳам, мамлакатнинг молиявий институтлари учун ҳам фойдали бўлган янада ишончли ва самарали савдо муҳитини шакллантиришга ёрдам беради.
ЎзРВБ валюта савдоларини янада қулай ва самарали бўлиши учун янги иштирокчиларни жалб қилиш ва замонавий бозор механизмларини жорий этиш бўйича ишларни давом эттирмоқда.





